Policia e Gjirokastrës vuri në pranga një 25-vjeçar pasi ka tentuar të kalojë pikën kufitare të Kakavijës me dokumente false.
Pas kontrolleve, ka rezultuar se dokumenti i paraqitur rezultoi i falsifikuar në emër të një personi tjetër. I arrestuari është, Vasil Selçiotis, 25 vjeç, banues në Fier.

“Nga Specialistët për Hetimin e Krimit Ekonomiko-Financiar në Drejtorinë Vendore të Policisë Gjirokastër u bë arrestimi në flagrancë i shtetasit:

– Vasil Selçiotis, 25 vjeç, banues në Fier. Arrestimi i këtij shtetasi u bë pasi është paraqitur në Hyrje të Republikës së Shqipërisë në Pikën e Kalimit Kufitar Kakavije me një dokument udhëtimi (kartë identiteti) të dyshuar të falsifikuar.

Pas verifikimeve që u kryen nga shërbimet e policisë ky dokument ka rezultuar i falsifikuar me të dhëna dhe gjeneralitete të një personi tjetër dhe fotografinë e shtetasit Vasil Selçiotis.

Materialet në ngarkim të këtij shtetasi i kaluan Prokurorisë pranë Gjykatës së Shkallës së Parë Gjirokastër për veprime të mëtejshme, për veprën penale të ”Falsifikimit të dokumenteve” neni 186 i Kodit Penal”, njoftoi policia.